TALISAY CITY – Padayon nga nagapanawagan ang kapulisan sang Talisay City paagi kay PSupt. Adones Rosales kon sin-o ang iloy sang lapsag nga nasab-it sa pukot sang duha ka mga mangingisda sa suba sa Highway Zone 15 las 11:00 kahapon sang udto.
Suno kay Rosales wala konsensya ang amu nga iloy bangod imbes nga tagaan sang disente nga lubong iya lapsag nga napatay, iya gid lamang ini ginhaboy sa suba kag ginpaanod.
Ginabulubanta nga kaagahon sang Sabado ginbun-ag ang lapsag kag wala na sang kabuhi rasun nga ginhaboy lang ini sa suba.
Ang lapsag ang ara karon sa paghinakop sang Talisay City Health Office para sa nagakaigo nga disposisyon.
Facebook Comments
