LA LIBERTAD- Isa ka ginapatihan miembro sang New People’s Army (NPA) ang napatay sa engkwentro sa tunga sang militar sa Brgy. Bagtic, La Libertad, Negros Oriental, mga las-9:30 kahapon sang aga, Marso 15, 2021.
Sa impormasyon nga nakuha sang DYHB sa 303rd Infantry Brigade, Philippine Army, kapin sa 15 ka mga NPA ang naengkwentro sang 62nd Battalion kasunod sang report nga may yara sang presensya sang rebelde sa lugar nga nagapang-extort kag nagapatigayon sang recruitment.
Matapos ang engkwentro, isa ka bangkay sang lalaki nga ginabanta naga-edad 30-anyos ang nasapwan sa encounter site.
Magluwas diri, narekober man ang M16 rifle, magazine, improvised explosive device, apat ka cellphones, solar panels kag subversive documents. Wala naman sang napilasan ukon napatay sa tropa sang gobyerno.
[image: image.png]
