NEGROS OCCIDENTAL – Ini ang natabu na naman sa pasado alas-11 kagab-i.
Ari ang impormasyon nga nakuha sang RMN-DYHB.
May isa ka lalaki (member sang apprehending crew sang electric cooperative), ( 40 years old) ang nagpanawag sa iya nga BOSS nga nagapangayo sang bulig kag nagpanugid nga ini sya ang gindakup sang pulis samtang naga-kaon lang man sila sa kilid dalan.
Samtang nagapanawag ang empleyado sang bulig sa iya BOSS yara ini detained sa sulod sang Police Station kaupod ang asawa sang iya lang man upod sa trabaho (mga 30 plus and edad).
——————————————— BOSS: Ano ang natabu, hatagi ako sang detalye.
EMPLEYADO: Sir, nakit-an ko si MRS. J (mga 30 plus and edad) nga ara sa kilid dalan, since nga kilala ko man sya, ginpasakay ko sya sa akon salakyan kag ginhagad ko sya nga magka-on (snacks) kami.
BOSS: Nga-a gin-dakup ka gid sang pulis kag nagka-on lang man kamo? Abi mag-sugid ka sang ensaku. Pa-istoryaha ako sa desk officer.
Kag didto na na-istorya sang BOSS ang desk officer sang police station.
BOSS: Nga-a gindakup mo na ang ang akon empleyado kag sang upod niya kay nagaka-on lang man sila? Basi ma-technical kamo sina.
DESK OFFICER: Sir, wala na sila gin-dakup sa kalan-an, gin-dakup na sila sa sulod mismo sang hotel.
———————————————- Nahibalu-an nga mismo ang bana ang nagpa-surveillance sa iya asawa kag sang iya officemate.
Pag-abot sa police station, gin-confronta sang bana ang iya nga iya kaupod sa trabaho.
BANA: Wala ka gid sang iban nga gin-igo ba?
Ako pa? Asawa ko pa ang gin-tira mo?
Didto kag nag-hipos lang iya officemate.
———————————————- DESIDIDO naman ang bana nga magpasaka sang adultery sa iya asawa kag sa iya officemate.
Magluwas sang adultery, ang empleyado ang magapangatubang pa sang illegal possession of fire-arm bangud nga nakuha-an ini sang armas./ Hungod nga wala ginhingadlan ang mga natungdan sa hingyo sang pamilya sang mga inbolbado/ Graphics by ToonPool
