General Santos City—Nagpatuman ug hugot nga siguridad ang kapulisan sa rehiyon 12 kagahapong adlawa human ang impormasyon nga mahidangat sa Gensan City si Presidente Rodrigo Duterte aron mutambong sa birthday ni Senador Manny Pacquiao kagabii.
Sumala ni PCI Aldren Gonzales- tigpamaba sa PRO 12 dunay contingency plan nga gipahigayon alang sa hugot nga implementasyon sa siguridad sa tumong nga mabantayan ang unsa mang dautang plano batok sa presidente ug sa kasaulogan.
Wala hinuon ikabutyag ni Gonzales kung pila ka mga pulis gikan sa regional headquarters ang gipalihok alang sa pagbantay sa siguridad apan iyang gipaniguro nga dunay gigahin nga tropa alang sa gipatumang security measure. (Jordan Britos)
Facebook Comments
