Ginatugyan na ni Gov. Eugenio Jose Lacson sa mga Doctor To the Barrios (DTTB) ang desisyon kun sila ang magasunod sa mando sang Department of Health (DOH) nga kuhaon sila sa mga ginaserbisyuhan nga local government units kag sayluhon sa Cebu City para magbulig sa away kontra COVID-19.
Ini ang reaksyon sang gobernador kasunod sang pagkontra man sang mga DTTB sa mando sang DOH partikular na diri sa Negros Occidental. Suno kay Lacson, kun nabatyagan sang nasambit nga mga doktor nga indi sila handa para sa amo nga obligasyon dapat nila ini ipalayag.
Apang ginhatagan pagtamod ni Lacson, nga dapat magbuligay ang tanan santo sa slogan karun nga “To Heal as One”. Dugang pa sini nga dapat buligan man ang Cebu nga maka-recover sa mataas nga numero sang Covid-19 bangud kun ini ang maglala, mabutang sa alang-alang ang mga Negrense ilabi pa nga madamo sang mga locally stranded individuals (LSI) nga nagagikan sa nasambit nga probinsiya.
Kasunod sang mando sang DOH, hibaluon ni Lacson kay Provincial Health Officer Ernell Tumimbang kun pila ang mga DTTB sa Negros Occidental kag kun bala may yara sang pwedi nga ipadala sa Cebu City.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
