Dunay maayong balita si Special Assistant to the President o SAP Bong Go sa mga magtutudlo nga naglaom sa pagpatuman sa salary increase sa tanang mga public school teachers sa nasud.
Sa iyang speech sa 24th anniversary sa Commission on Higher Education, gibutyag ni Bong Go nga himoon niya ang tanan niyang makaya aron mapadali ang pagpatuman sa salary increase.
Dili matud pa mabalaka ang mga magtutudlo kay wala nawala sa huna-huna sa Presidente ang ilang kahimtang.
Gibutyag ni Go nga naistorya niya si Budget Secretary Benjamin Diokno ug gisiguro nga pagkahuman sa pagpatuman sa salary standardization law, isunod gilayon ang salary increase nga sugdan gikan 2020 hangtud 2022.
Gihangyo usab ni SAP Bong Go ang suporta sa mga magtutudlo alang sa Presidente partikular sa mga programa batok sa kriminalidad ug iligal nga droga.
