Ginkumpirmar ni Governor Eugenio Jose Lacson nga may yara na sang local transmission sang COVID-19 sa Negros Occidental matapos nag-positio sa virus ang isa ka frontliner sang provincial government.
Ang pahayag sang gobernador ang kasunod sang pag-positibo sa coronavirus sang 47-anyos nga lalaki nga residente sang Murcia kag driver sang Provincial Disaster Risk Reduction and Management Office (PDRRMO). Suno sa gobernador, si Patient 105 ang driver sang PDRRMO nga nagasugat sa mga nagapauli nga mga locally stranded individuals (LSI) kag mga OFWs, kag nagadul-ong man ini sa mga COVID-19 positive sa healing center sa EB Magalona, gani exposed ini sa virus.
Si Patient 105 ang gin-swab test kasunod sang hingyo ni Provincial Disaster Management Programd Division (PDMPD) Head Zeaphard Gerhart Caelian nga ipaidalom sa swab test ang iya mga personnel.Nagakatingala man ang gobernador kun paano nakuha sang pasyente ang virus bangud nagasuksok man ini sang Personal Protective Equipment (PPE) kun mag-drive sang salakyan sang probinsiya.
Nagpatigayon na sang contact tracing ang probinsiya kag 18 sa mga naka-close contact sang pasyente ang nag-reactive sa rapid test kag sila ang natalana ipaidalom sa PCR test.
Nahibaluan nga nagpaguwa na sang Executive Order si Murcia Mayor Gerry Roxas sa pagpaidalom sang Barangay Minoyan sa Enhanced Community Quarantine ( ECQ) kag sa Extreme Enhanced Community Quarantine ang Purok New Site sa amo nga barangay sa diin nagapauli si Patient 105.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
