Gov. Lacson indi sigurado kun malab-ot ang 10,000 target para sa timeout weekend

18

Indi sigurado si Governor Eugenio Jose Lacson kun malab-ot ang 10,000 nga target para sa mass testing sa patigayunon nga Timeout Weekend sa Agosto 28-31 kun isa lang ka laboratory ang maga-proseso sang mga swab samples.

Ginpahayag sa DYHB ni Governor Lacson nga may problema sila karun bangud ang iban nga laboratoryo sa probinsiya ang wala gina-serbisyuhan sang PhilHealth gani indi man nila ini pwede nga mapadal-an sang samples magluwas lamang sa molecular laboratory sa Teresita Lopez Provincial Hospital sa ciudad sang Silay. Ang molecular laboratory sa provincial hospital ang maka-proseso sang kapin 800 lamang ka samples sa sulod sang isa ka adlaw, suno kay Lacson.

Bangud sini, ginaplano ni Provincial Incident Management Team Consultant Albee Benitez nga istoryahon ang PhilHealth tuhoy diri. Nahibaluan nga magluwas sa provincial hospital may yara man sang molecular laboratory ang Philippine Red Cross, Corazon Locsin Montelibano Memorial Regional Hospital (CLMMRH), Doctors Hospital kag Bacolod Queen of Mercy Hospital, nga lunsay nahamtang sa ciudad sang Bacolod.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments