Mga magahalin sa Bacolod gina-discourage sa pagsulod sa syudad sang Cadiz durante sang 4 day lockdown

20

Gina-discourage sang city government sang Cadiz ang tanan nga magahalin sa Bacolod City sa pag sulod sa ciudad sang Cadiz durante ginapatigayon ang apat ka adlaw nga lockdown halin Agosto 28 tubtub Agosto 31.

Ini ang kabahin sang advisory nga ginpagwa ni Cadiz City Mayor Salvador Bading Escalante paagi sa iya social media.

Suno sa alkalde nga sa mga may tuyo magsulod sa Cadiz kag maga-tinir sang masobra 3 ka adlaw, ini sila ang igapaidalum sa 14-day quarantine base sa EO 35 series of 2020 nga napetsahan August 13, 2020.

Samtang sa mga nagabalik naman nga residente nga magasulod sa Cadiz City, ini sila ang iga-subject sa estrikto nga home quarantine kag isa gid lang ka quarantine pass ang iga-issue sa miembro sang pamilya, wala labot sa returning resident, para sa essential kag basic needs.

Pahayag ni Mayor Bading, sa mga indi magpasugot sa amo nga safety protocols, ini sila ang indi pagpasudlon sa Cadiz City.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments