Sarangani Province–Gikalipay ni Sarangani Province Governor Steve Chiongbian Solon ang paghidangat sa director sa PHIVOLCS kon Philippine Institute of Volcanology and Seismology og sya pud ang undersecretary sa Department of Science and Technology nga si Doctor Renato Solidum Jr., aron pangunahan ang lima (5) ka adlaw nga training para sa mga taga-Sarangani sa pagpatuman sa REDAS (re-das) kon Rapid Earthquake Disaster Assessment System.
Wala pay himan nga musuta kung adunay linog nga mahitabo apan pinaagi matud pa sa REDAS software nga gi-imbento sa DOST, pwede ng mahibal-an ang kadaot nga madangatan kung muigo ang dakong paglinog. Mahibal-an na kung pila ka mga balay, gambalay og lumulupyo ang pwedeng maguba og mapagan sa usa ka lugar.
Sa bahin ni Undersecretary Solidum, mas labing gipasalamatan niini si Governor Solon tungod sa gipakita nga hugot nga pagsuporta ngadto sa DOST-PHIVOLCS. May mga probinsya matud pa nga wala gatubag sa ilang imbitasyon, apan ang Sarangani ang aktibo kining nakig-alayon kanila tungod sa katuyuan nga makapangandam ang mga residente ilalum sa Sulong Kaligtasan program.
