Gov’t official, dili pwedeng mubalibad sa drug test nga hangyo sa katawhan – VP Sara

Davao City – Gitubag ni Vice President Sara Duterte ang panawagan sa katawhan nga ipa-drug test ang tanan nga government officials, lakip na ang Presidente nga si President Ferdinand “Bongbong” Marcos Jr. (PBBM) atol sa nagpadayon nga diskusyon bahin sa public accountability ug transparency sa mga opisyales sa gobyerno.

Sumala sa bise, ang pagdawat sa posisyon sa gobyerno nagpasabot og hingpit nga pag-alagad sa nasud, ug kini klaro nga nakabutang sa oath of office nga nag-ingong “consecrating yourself for service of the nation.”

Busa matud pa nga kung ang katawhan mismo ang musulti nga kinahanglan silang magpa-drug test, dili kini angay balibaran tungod ang kinabuhi ug serbisyo gihatag na sa katawhan, kung aduna’y pangutana sa kapasidad sa pagdumala ug decision making skills ingon man maundang ang tanang duda, ang pagpa-drug test dili angay likayan.

Gidugang pa ni Duterte nga ang transparency usa ka importante nga baruganan sa usa ka lider, ug ang pag-angkon sa katawhan sa katungod nga mangayo ug klaro nga pag-pamatuod sa kahimtang sa ilang mga gipili nga opisyales.

RadyoMaN Kareen Beltran