BACOLOD CITY – Isa ka grade 5 pupil ang nadakpan sang barangay tanod sa akto nga nagasuyop sang shabu kahapon sang aga sa Brgy. 19, Bacolod City.
Ang amo nga estudyante, naga-edad sang 11 anyos, kag naga-eskwela sa isa ka elementary school diri sa ciudad sang Bacolod.
Ginpahayag sang mga utoridad nga may mga las 9 kahapon sang aga, ang amo nga menor de edad ang nagkadto sa iya abyan sa Brgy. 19 kag wala siya nakahibalo nga ini siya ang pasuyupon sang shabu.
Suno sa bata nga ginsugo lang siya sang iya amigo kon diin una ini nga kahigayunan nga iya nahimo kag indi manami ang epekto sini sa iya pamatyag.
Sa karon ginturn-over na sa Police Station 4 ang bata para sa nagakaigo nga disposisyon./dyHB BACOLOD
Facebook Comments
