Davao City- Igo na lang sa pagpatala sa theft and robbery section sa Sasa PNP ang usa ka negosyante human nga gisakmit sa wala mailhing kawatan ang iyang bag 6:45 sa buntag.
Sumala ni Susan Alcantara, 48 anyos, minyo, negosyante ug residente sa Suha Village Sasa nga samtang nabusy kini og luto sa mga sud-ad sa iyang paninda, usa ka lalake nga nagpaka-aron-ingnon nga customer ang misulod sa iyang karinderya.
Apan paspas ra pod usab migawas sa kan-anan ug misakay sa motor ang suspek ug ulahi na naalinggatan ni Susan nga gisakmit na diay ang iyang bag nga nabutang sa la mesa sa counter.
Nalimas sa wala mailhing suspek ang 60 mil ka pesos, mga cellphone ug mga pertinenteng dokumento.
RadyoMan Joel Viray
Facebook Comments
