Kalibo, Aklan – Maga umpisada eon hin-aga it alas 12:01 rong aga-aga Enero 13, 2019 ro implementasyon it Comelec ag PNP Checkpoint kamana man ro Comelec Gun Ban.
Angot kara, nagpadumdom si PSupt. Richard Mepania, hepe it Kalibo PNP sa nasambit nga implementasyon.
Suno kana iya sa banwa it Kalibo may tatlo ka mga established Comelec/PNP checkpoint ro andang igapahamtang.
Raya hay will lighten ag officer lead kamana man 24 oras rong implementasyon.
Ana man kara nga gin eksplekar nga kung ro mga motorista hay maga agi sa checkpoint hay mag flag down, siguraduhon nga nakahelmet ag ipahaum rong lisensya ag rehistro it saeakyan.
Likawan man suno kana rong pagdaea it baril ag ano mang klase it mga mataeom nga bagay.
Magabuhay rong nasambit nga implementasyon hasta sa Hunyo 12, 2019.
Naghinyo man si Mepania it kooperayon sa mga pumueoyo para sa maayos ag matawhay nga eleksyon.
Samtang may igapatigayon man nga Unity Walk ag Peace Covenant Signing hin-aga nga paga atenderan it mga kapulisan, Comelec ag mga kandidato.
