Gintiro sang wala nakilal-an nga mga suspek ang isa ka habal-habal driver sa Sitio Bunawan, Barangay Polonuling, Tupi, South Cotabato, alas 10:25 kahapon sang aga Disyembre 8, 2020.
Ginkilala ang biktima kay Nasser Gansal Solaiman, 50-anyos, habal-habal driver kag residente sang nasambit nga lugar.
Sa imbestigasyon sang Tupi MPS alas 10:20 sang aga sa amo nga adlaw, ang biktima ang nagdul-ong sang iya pasahero sakay sa Skygo Wizard 150 motorcycle kag sang papauli na sa ila puluy-an sa Sitio Bunawan Road sang duha ka mga wala nakilal-an ang mga suspek ang nagtiro sang makapila ka bes sa biktima nga nangin tunaan sang iya hinali nga kamatayon tungod sa naangkon nga igo sang bala sa mga nagkalain-lain nga parte sang iya nga lawas.
Narekober naman sa crime scene ang mga basyo sang ginapatihan nga kalibre 45 sang armas luthang.
Sa subong nagapadayon ang imbestigasyon sang Tupi MPS sa insidente.
