Kalibo, Aklan — Gin aprobahan eon it Senado sa ikatlo ag ulihing pagbasa rong hagna nga Salary Standardization Law of 2019 (SSL V) nga tuyo nga pataasan rong sweldo it may kapin 1.4 milyon nga trabahador it gobyerno kaeakip eon ro mga manugturo.
Sa boto nga 21-0 ag may sambilog nga abstention, gin aprubahan it matag as nga kapueongan ro mga hagnang laye para sa pataas it sweldo nga planong itao umpisa Enero 2020.
Nag-abstain si Senate minority leader Franklin Drilon sa botohan bangud mas gusto na kara rong across-the-board 5 percent increase kaysa sa nasambit nga hagna.
Ang pagpasa it Senado sa hagna hay pilang oras eamang matapos raya nga sertipikahang urgent ni Pangueong Rodrigo Duterte.
Sa Kamara, gin aprubahan eon rong hagna sa ikaywang pagbasa kahapon ag ginasaligang makaeosot makarong dominggo.
Sa idaeom kung hagna nga Salary Standardization Law of 2019, pinakamabahoe rong saka sa sweldo it mga trabahador sa Salary Grade 10 hasta 15 samtang pinakamanaba sa SG 23 hasta 33.
Magataas man it 65 hasta 87 percent rong sweldo it mga public school teachers kumpara sa andang counterparts sa private sector.
Bukon man it kaibahan sa hagna si Duterte, Vice President Leni Robredo, mga senador ag kongresista.
