Ginreklamo sa Kalibo Police Station rong sangka meyembro it Kalibo Auxiliary Police matapos nga raya hay magpanita nga hilong ag uwa naka uniforme kahapon it hapon sa prente it City Mall Kalibo.
Sa blotter report it Kalibo MPS nakabaton sanda it tawag halin kay PO2 Erick John Delimos nga ro gwardya it City Mall Kalibo hay nagapangayo it police assistance matapos nga matabo ro nasambit nga insidente.
Insigida man nga ginrespondehan it mga kapulisan ag naabutan ro meyembro it KAP nga si Dennis Donato, 47-anyos ag residente it Brgy. Estancia, Kalibo kamana man rong tricycle driver nga si John John Noble nga anang ginsita.
Sa pag imbestiga it Kalibo PNP nasayuran sa tricycle driver nga imaw ra hay ginsita ni Donato nga ham an uwa naka uniforme ag naga obstract sa traffic sign.
Mag-eowas kara ro kaibahan ni Donato nga nakilaea kay certain Palomo hay nagpaeapit man ag linampusan ro bubong ko tricycle.
Nasayuran nga si Donato hay uwa man naka uniforme sa oras ngato ag parehong hilong sanda ni Palomo.
Ginpakamayad nga ipa medical si Donato ag gin release man dayon sa Kalibo PNP ag gin refer eon lang ro nasambit nga kaso sa Municipal Economic Enterprise Development Office Transport And Traffic Management Division para sanda eon lang ro maga himo it imbestigasyon bangud nga under kanda ro mga Kalibo Auxiliary Police.
