Mokabat sa 50 ka mga pasyenteng dunay sakit nga Leukemia ang mitambong sa gipahigayong Hope Party sa CityMall, Barangay Iponan karong hapon.
Ang maong aktibidad giunhan sa LEUPAPO o Leukemia Patients and Parents Organization.
Matud ni Reczel Clarabal, ang GPTA officer sa Bulua Elementary School ug Founder sa LEUPAPO Organization nga tumong sa maong kalihokan nga ma-improve ang immune system sa mga pasyente kinsa nag-edad sa usa ngadto na sa 18 ka tuig.
Lakip sa mga pasundayag nga gihimo mao ang magic show, pagpanghatag og balloon, puppet show ug dunay mga gift pack nga gihatag sa mga pasyente nga nay sulod biskwit ug uban pang makaon.
Ang mga partisipante sa Hope Party naggikan sa Surigao, Butuan, Zamboanga, Cotabato, Cagayan de Oro, Ozamis, Dipolog, Oroquita ug Misamis Oriental.
