Kalibo, Aklan – Suportado it Aklan Sangguniang Panlalawigan ro House Bill No. 3021 ni Sibugay Zamboanga Lone District Representative Wilter Sharky Wee Palma III, AN ACT AUTOMATICALLY CONVERTING THE CAPITAL TOWN OF PROVINCES WITH NO COMPONENT CITIES, INDEPENDENT COMPONENT CITIES, OR HIGHLY URBANIZED CITIES WITHIN ITS JURISDICTION , INTO A COMPONENT CITY.
Suno kay Sangguniang Panlalawigan member Jay Tejada kon maaprubahan rayang house bill ni Congressman Palma automatic maging siyudad ro banwa’t Kalibo, bangud kaparti ko nasambit nga hagna ro pag amiyendar ko section 450 it Republic Act 7160 o ginatawag man nga Local Government Code of 1991.
Santo sa section 450 it R.A. 7160, rong sangka banwa pwede eamang nga maging siyudad kon may average annual income sa pinaka ulihing 2 dag-on nga P100,000,000.00, nga certified it Department of Finance, may total land area nga 100 square kilometers, nga certified it Lands Management Bureau ag populasyon nga indi magnaba sa 150,000 nga pumueuyo, nga certified it Philippine Statistics Authority.
Suno kay SP Tejada kon sundon rayang requisites for creation of city indi maqualify ro Kalibo. Sa makaron ro Kalibo kwalipikado sa annual income, pero bukon it pasado ro land area nga may una eamang nga 50.75 square kilometers ag populasyon nga may total eamang nga 80,605 basi pa raya sa 2015 census population nga ging patigayon it PSA.
Dugang nga ging pahayag ni SP Tejada , kon maging laye eon ro House Bill No. 3021 mataw-an it katumanan ro handum it Kalibonhon nga maging siyudad ro Kalbo kon siin mataw-an raya it patas nga oportunidad nga maka compete sa ibang siyudad, mabuksan o mapaeapit sa mas mabahoe nga resources paagto sa madasig nga asenso, pagsanyog ko ekonomiya ag iba pa…
