Padayon nga nagapangayo sang Hustisya ang mga Militante nga grupo angut sa pagkadula sang duha nila ka kaupod nga sanday Luisa Posa Dominado kag Nilo Arado.
Kadungan ini sa ika-11 ka tuig nga pagsukat subong nga adlaw sang pagkadula nanday Dominado kag Arado nga ginpahayag gin-abduct sa banwa sang Oton.
Suno kay Reylan Vergara, Chairman sang Karapatan-Panay nga nbaghiwat sila sang candle lighting sa guwa sang St. Clement’s Church agud dumdumon ang ika-11 ka tuig nga pagkadula sang ila kaupod kag agud ipanawagan sa gobyerno nga hatagan ang mga ini sang Hustisya.
Nahibaluan nga tubtub subong wala pa gid mahibaluan kon sin-o ang nag-abduct sa duha kag kon ano ang natabu sa mga ini.
Dismayado man ang mga Militante nga nalakip pa ang ngalan ni Dominado sa listahan sang mga opisyal sang NPA nga gintawag nga Terorista ni Presidente Duterte apisar nga madugay na ini nga Missing.
