Hustisya singgit sa pamilya sa biktima sa hazing

101
Davao City – Di gihapon katuo ang inahan sa biktima sa hazing sa gidangatan sa iyang anak.

Padayon nga gipanawagan sa pamilya sa usa ka criminology student nga si August Cesar Saplot ang hustisya sa kamatayon sa batan-on human nabiktima sa fraternity hazing.

Kagahapon, September 23, 2022, miatubang sa media ang pamilya ug abogado nga si Atty. Gen Mabale Sepe, Legal Counsel sa biktima.

Nahinabi sa Davao Media ang inahan sa biktima nga si Regina Saplot diin siya naglaum nga madakpan ang lain pang unom nga nakaikyas sa insidente.

Mipaabot usab og mensahe ang inahan sa biktima ngadto sa mga ginikanan nga dili pasagdan ug kanunay pahinumduman ang mga anak nga dili musulod sa mga ingon ani nga aktibidad.

Naglaum ang inahan nga katapusan na nga biktima ang iyang anak sa hazing.



Samtang gisulti ni Atty.Mabale Sepe, dili makagawas ang mga suspek gumikan kay ang kasong gi-atubang kalapasan Anti Hazing Law ug walay piyansa nga girekomenda.

RadyoMaN Don Pulayao

Facebook Comments