HVI top 4 sikop human nakuha’ag shabu sa Pasko

Davao City – Generally peaceful ang pagsaulog sa Pasko ug walay mga dagkong panghitabo sa area sa San Pedro ug Sta. Ana Police Station, samtang lima ka lantaka ang nakonpiska sa mga awtoridad sa Riverside, Lower Madapo, Barangay 5-A, syudad sa Davao niadtong alas 5:55 sa hapon Disyembre 24, 2022.

Subay sa report sa San Pedro Police Station, adunay mga menor de edad ang nagpabuto og lantaka nga nakahatag og disturbo sa mga residente sa nasampit nga lugar ug daling girespondehan sa mga operatiba San Pedro Police Station, apan abtik nga nakasibat ang mga suspek og gibilin ang lima ka lantaka. Ang lima ka lantaka gikustodiya karon sa San Pedro Police Station.

Sa area Sta Ana Ana Police Station malinawon ug walay mga nadakpan nga nagpabuto atol sa pagsugat sa pasko.

Sa pikas bahin, gibalhug sa Buhangin Police Station og didto nagsaulog sa pasko ang usa ka High Value Individual Top 4 Priority Target for City level, human nasikop sa buy bust operation si Michael Soriano, 48 anyos, taga Brgy.Lapu lapu, Agdao, Davao City human nakuhaan og illegal nga droga nga mokantidad P130K.

Nakuha usab ang usa ka touch screen cellphone ug drug paraphernalia.

Dinakpan mag-atubang og kasong kalapasan sa RA 9165 o Comprehensive Dangerous Drugs Act of 2002.

RadyoMaN Don Pulayao