DAKONG hagit sa mga magtiayon nga magpabilin nga fresh ug exciting ang relasyon taliwala sa ka stressful sa mga buluhaton kada adlaw. Apan di na angay kabalak-an tungod kay adunay daghan nga pamaagi aron magpabiling lig-on ug malipyon ang inyong relasyon.
01. Be romantic – Mahimo nimong mapakita ang imong pagkaromantika bisan sa yano lang nga mga pamaagi sama sa candle-lit dinners, beach walks at sunsets ug pag cuddle kaniya samtang nagtan-aw og salida.
02. Lamasi ang sex life – Usa kini sa mga aspeto sa kaminyuon nga gikabalak-an sa mga magtiayon. Gikinahanglan ang hingpit nga koordinasyon, pagsabot ug hardwork aron magpabiling interesting ang imong sex life.
03. Pag-date sab mo – Tungod sa ka busy sa schedule sa imong bana, lisod na mangita og oras aron maka ibid-ibid mong duha. Usa sa mga pamaagi aron magpabiling suod ug tam-is ang inyong relasyon mao ang pagtakda og oras nga magkuyog mong duha o “date,” makatabang sab ang pagluto og sud-an kuyog ang imong bana at least once a week.
04. Pag-text og igat-igat – Tinuod nga way makalupig sa text o voice message nga gikan sa imong hinigugma. Bisan sa pagtawag sa iyang cellphone og ingnag “I love you”, dako na kaayo nga pahiyom ang nitatak sa dagway ni hubby ana, o pag-send og inigat nga message nga makapa-excite niya.
05. Pagpa-sexy pud – Di sayop ang mamahimong komportable atubangan sa imong bana apan kinahanglan sab nimong siguradoon nga wa ka nagpabaya sa imong kaugalingon ug sa minubo pa, di ka lusyang tan-awn!
Source: (Haydee Mobe, Usj-r Masscom Intern)
Image credit:Unsplash
