SA sa mga lisod nga buhaton mao ang pagtigom, ilabi na kon di kaayo dako ang salapi nga naa nimo, ilabi na sa mga estudyante. Niay mga listahan sa pipila ka mga angay nga buhaton aron makatigom.
01. Ayaw sige’g palit og mga butang nga di kinahanglan. Di ka magsigeg waldas sa imong kwarta sa mga butang nga di kaayo importante. Palita ang imong mga kinahanglan, di ang imong gusto.
02. Kon ikaw nag-eskwela o nagtrabaho, maayong magbawon kag kan-on ug sud-an nga luto sa imong mama aron makadaginot.
03. Kon molakaw ka, mas nindot nga di ka magsakay basta duol ra. Makadaginot ka sa plete, makaehersisyo pa.
04. Kon ganahan kang makatigom, magkinuripot. Bahala nag sungugon ka.
05. Kon ikaw estudyante, suwayi pakigsabot imong parents nga kada major exam, ilang paliton ang imong 89-100 nga score aron makadugang sa imong matigom ug sa samang higayon naka-motivate pa kini sa imong pagswkela
06. Bisan nakatigom ka na, ayaw gastuha ang imong kwarta. Matag peso importante kaayo.
07. Mag-praktikal. Kon duna kay paliton, pangitaa ang barato pero nindot ang quality kay wala na sa brand, naa na sa gadala kon unsaon niya pag-angay.
08. Kinahanglan nga inspirado, kung duna gyud ka ganahang paliton huna-huna na siya sa matag higayon nga nagtigum ka, himua kining inspirasyon nimo arun mapalit dayon kini nimo.
09. Sukada nga nagtigum naman ka, ayaw kalimti nga mu-tanyag ka ni God bisan unsa lang na pwede nimo mahatag arun maktabang. hinumduma nga ang imong tigum gikan na sa Gino-o ug sa imong ginikanan sama sad sa imong kaugalingon sa pagpaningkamot.
10. Mag set ka og goal para ma-awhag ka nga magtigum! Salig ra and have patience.
Sources: www.sunstar.com.ph
Meldwin Kyle R. Chua CNU Comm Intern
Image credit: https://www.daveramsey.com
