IGACOS Mayor gikalipay ang development sa Davao-Samal bridge project

71
Davao City – Dako ang pagpasalamat ni Island Garden City of Samal (IGaCoS) Mayor Al David Uy human napirmahan ang Framework Agreement ug Loan Agreement alang sa Samal Island-Davao City Connector Project.

Sa interbyu sa DXDC RMN Davao kang Mayor Uy, nalipay kini sa maong kalamboan diin human sa halos 45 ka tuig, madayon na gyud ang Davao-Samal Bridge.

Gipasabot sa alkalde, importante nga mapirmahan ang loan agreement alang sa gamitong pundo aron madayon ang nahisgutang proyekto.

“Importante kini siya (loan agreement) kay kung dili ni mapirmahan, walay pondo. Kung walay pondo, dili madayon ang tulay. Kami, nalipay ‘mi and this would give us easy access sa tanan,” sulti ni Uy.

Matud sa Department of Public Works and Highways (DPWH), anaa sa 5-6 years ang paghuman sa tulay.

Sumala ni Uy, kini igo usab nga panahon aron maplastar ang mga imprastraktura sa Samal sama sa dalan, tubig, kuryente, ug uban pa una pa man mudagsa ang mga tawo nga mubisita sa isla.



Himuon ang ground breaking ceremony sa maong proyekto sunod bulan (Hulyo).

RadyoMaN Kirby Manzon

Facebook Comments