Pagadian City – Posible nga mag-atubang sa kalapasan sa Akta Republika 7161 kun Revised Forestry Code of the Philippines ang tag-iya sa ginabas nga mga kahoy nga nakumpiska sa Department of Environment and Natural Resources (DENR) sa Brgy. Lisson Valley niining syudad sa Pagadian.
Gibana-bana nga mosubra 15,000 ka board feet sa kahoy nga naa sa lasang ang nailog sa otoridad.
Ang mga giputo-puto ug ginabas nga mga kahoy nga naimbargo gilangkuban sa Lawaan, Tangili ug uban pang endangered nga kahoy.
Gikomperma sa DENR ug CENRO nga ang mga kahoy didto gikan protected forest ug watershed area.
Ang nahisgutan nga ginabas nga kahoy anaa na giturn-over sa DENR-CENRO Ramon Magsaysay samtang nagpadayon ang DENR aron pag ila sa tag-iya ug responsable sa pagputol sa maong mga kahoy.
