RMN Laoag – Ibilang ni Bokal Matthew Marcos Manotoc chairman ti Committee on Education iti Sangguniang Panlalawigan a napintasen ti standing ti Ilocos Norte Team iti kalkalpas a Region 1 Athletic Association Meet a maikatlo wenno 3rd Place.
Kunana a ti Dagupan ti umun-una, maikaddua ti Pangasinan 2 ken maikatlo ti Ilocos Norte a maysa laeng a medalya a balitok ti nangitarayan ti Pangasinan 2 iti I.N.
Para kenkuana ket positibo ti resulta ti panagay-ayam dagiti atletas ti IN ket mangnamnama a nangat-ngatonton iti sumaruno a R1AA.
Inbaga pay ni Bokal Manotoc a suportaran na dagiti mapili nga atleta ti IN team a makiraman iti Region I iti Palarong Pambansa.
Mangnamnama a saan laeng nga agpatengga iti region ti laing dagiti nangab-abak nga atletas no diket uray pay iti national level ket isu koma ti tarigagay ti tunggal maysa.
Masapul iti adadu pay a panagsanay dagiti makisalip iti palarong pambansa tapno adda ti manamnama a magun-odda.
Bernard Ver, RMN News
