TACLOBAN CITY – Una na nga ginselebrar ni Ilocos Norte Governor ngan Senatorial Candidate Imee Marcos an iya birthday ha San Jose, Tacloban City yana nga adlaw.
Bis pa man November 12 pa an iya kaadlawan in gintapo hiya han iya mga tagasuporta ngan may pa birthday party ha Brgy. 86 Gym han Jose.
Sumala kan Imee nga nag-speech ha waray-waray nga linggwahe, bilib hiya han kaisog ngan nakabangon dayon an san jose ngan an bug-os nga Tacloban City ha paglasurbo han Bagyong Yolanda.
“An san jose bisan diri nangangalimot in naningkamot nga makatikang utro hin bag-o nga kinabuhi.”
“Bilib ako han kusog ngan isog han mga igkasi ko waray-waray.”
Sumayaw pa hin boom boom dance han momoland hi Imee Marcos kaupod an mga senior citizens han San Jose ngan gintagan niya an mga ini hin tag P1,000.
Pero ano daw la an birthday wish ni Imee?
“Alam naman ninyo na tatakbo ako next year so dasal na lang para sa papalarin at sana magkaroon na nang medyo waray-waray na senador.”
“Si Martin Romualdez hindi swenerte. So try ulit tayo, sana madala ang pangalan ko.”
Ma-63 anyos na hi Imee Marcos.
Nalaum gihapon hiya nga masasakob hiya ha igpapagawas nga listahan han mga karuyag ni Presidente Rodrigo Duterte nga dumalagan yana nga 2019 elections.
