Gisikop sa kapulisan ang usa ka inahan human makuhaan og balor 140-mil pesos nga shabu sa capitol compound kagahapong adlawa.
Ang suspek mao ang 47 anyos nga si Faida Marabong, balo ug taga Tambakan, Iligan City.
Gawas sa shabu, nakuha usab gikan kang Marabong ang usa ka libo ka pesos nga buy bust money.
Sa interview sa dxCC-RMN, gibutyag ni Marabong nga wala siyay laing panginabuhi maong nisugot siyang maoy magdeliver sa druga.
Giangkon usab sa suspek nga gikan na siya napriso sulod sa duha ka tuig ug nakagawas lamang niadtong Pebrero tungod gihapon sa illegal nga druga.
Gidugang ni Marabong nga napugos lamang siyang magbaligya sa druga aron mabuhi ug mapa-eskwela ang iyang anak nga naa na karon sa Grade V.
Facebook Comments
