Napulihan sa tumang kasakit ug kagul-anan nga imbes unta kalipay, sa dihang usa ka maduguong trahedya sa kalsada ang nahitabo didto sa nasud Vietnam.
Nasayran nga apil sa 13 nga namatay ang mismong groom o lalaking ikasal unta nianang adlawa.
Usa ka minibus ang gisakyan sa mga biktima gikan sa Quang Tri Province kung asa apil sa sakay ang ginikanan sa lalaki ug mga bisita padulong unta sa BinhDinh Province kung asa anaa naghuwat ang pangasaw-onon niini, sa dihang ilahang gikasugata ang dakong disgrasya.
Nabangga ang minibus nga ilahang gisakyan sa usa kadakong container truck.
Tulo ang patay apil ang lalaking kaslonon samtang padulong pa unta sa ospital, samtang pulo ang on the spot nga namatay apil ang mga bata. Sumala sa National Traffic Safety Committee, 8,200 ka mga tawo ang nangamatay tungod sa disgrasya sa Southeast Asian Countries ug usa na niini ang nasud Vietnam.
Dili halos madawat sa babayeng kaslunon ang gidangatan sa iyahang hinigugma kung asa kini namatay sa mismo pang adlaw sa ilahang kasal.
