Ang nasinatian nga tumang kalisud gumikan sa pagmahal sa presyo sa nag-unang palaliton lakip ang sobrang pagdaug-daug sa goberno maoy nag-unang “recruiter” sa pipila ka mga batan-on aron mosampa sa armadong pakigbisug sa rebelding New Peoples’ Army (NPA).
Kini ang pahayag ni Ka Oto, tigpamaba sa Guerilla Front Committee 16 sa New Peoples’ Army (NPA) subay sa unang gibutyag sa kasundaluhan nga padayong nang-recruit ang mga rebeldi diha sa mga dagkung kolehiyo ug Unibersidad.
Niya pa nga walay laing kadangpan ang mga katawhan niining tanan nga mga problema kondili ang pag-apil sa armadong pakigbisug. Aminado si Ka Oto nga adunay nagsurender nga pipila nila ka mga kauban diin iya kining gihulagway nga nakabsan sa prinsipyo.
Dugang pa ni Ka Oto nga walay laing sulbad sa nag-unang problema sa katilingban kondili ang pag-apil sa demokratikanhong rebolusyon nga maoy gisunod karon sa NPA.
Sent from my Samsung Galaxy smartphone.
