*General Santos City—Aminado si Gensan City Councilor Jeng Gacal nga aduna gyu’y bahad sa siguridad apan kung unsa kadako ang bahad kana matud pa ang dili niya mabutyag.*
*Busa iyahang gilauman nga magpabiling mabinantayon ang kapulisan ug military sa pagbantay sa palibot sa dakbayan aron nga masigruong dili masuldan.*
*Gi-awhag man usab niini ang katawhan nga tabangan ang kapulisan ug militar pinagi sa paghatag ug impormasyon higayon nga adunay makit-an nga mga makadudahang butang o tawo sa ilahang mga lugar alang samas daling pagsikop o mas daling ma-imbestigahan.*
*Dugang pamahayag ni Kag. Gacal nga iyahang ginadayeg ang kapulisan ug militar nga sulod sa pipila ka bulan, walay unsa mang pagpangatake ang nahitabo sa dakbayan.*
*Sumala niya nga satisfied siya saperformance sa kapulisan ilalom sa pagdumala ni Pol. Col. Aden Lagradante ug Col. Eduardo Gubat sa Joint Task Force Gensan.*
*Saysay niya nga dihang natapos nga walay unsa mang pagpangatake ang tuna festival, kana matud pa ang mapatuod nga adunay maayong intelligence ang kapulisan ug militar.*
