Kalibo, Aklan — Target it mga kapulisan nga maging zero crime incidents rong selebrasyon it Kalibo Sto. Niño Ati-atihan Festival sa maabot nga Enero 2019.
Sa ginpatigayon nga Inter-agency Coordinating Conference sa Camp Pastor Martelino gin istoryahan rong security and safety plans kung sa siin ro Task Group Ati-atihan rong gintukahan nga maga provide it security, public safety ag emergency response para sa mga turista.
Pagapangunahan man ni Aklan police director Senior Superintendent Lope Manlapaz rong security preparations para sa linibong balikbayans ag debotos.
Ro mga pulis nga igabutang ag maga secure ko festival venues hay magahalin sa Aklan Police Provincial Office (APPO) ag 12th Infantry Battalion (PA).
Maga bulig man bilang force multifliers ag emergency responders ro mga taga Municipal Disaster Risk Reduction and Management Office, Provincial Disaster Risk Reduction and Management Office, Municipal Auxiliary Police, Philippine National Red Cross Aklan Chapter and Saint Gabriel College EMS.
Samtang rong fire trucks it Bureau of Fire Protection-Kalibo hay igabutang sa mga strategic areas, ag ro ibang mga kapulisan hay igabutang sa 23 ka mga police assistance center para masiguro nga matawhay ag malinong rong selebrasyon.
Pagatutokan man it mayad rong Kalibo Magsaysay Park, Kalibo Pastrana Park, Goding Ramos Park, ag ro Kalibo St. John the Baptist Church.
Igasarado man ro mga karsada nga maeapit sa festival zone.
(Aklan Furom)
