Mipasaka sa kasong Perjury si Vice Governor Jose Mari Joey Pelaez batok sa iyang kanhi Job Order sa Sangguniang Panlalawigan kinsa nagpakalat sa babak nga impormasyon ning panahon sa kampanya.
Gitudlo ni Pelaez ang iyang kanhi Job Order nga si Gemma Acenas nga taga lungsod sa Kinoguitan, Misamis Oriental.
Matud ni Pelaez nga si Acenas mipirma sa usa ka affidavit ug iyang gisabwag sa mga eskwelahan sa first district sa Misamis Oriental.
Ang maong affidavit, nagpasangil batok ni Pelaez nga iyang gikobra ang suweldo ni Acenas bisan wala na kini sa iyang trabaho sa Sangguniang Panlalawigan.
Gibutyag ni Pelaez nga bakak ang gisabwag nga affidavit ni Acenas kay walay record nga iyang gikobra ang suweldo sa maong suspect.
Matud ni Pelaez nga si Acenas, gibayran sa 25 mil pesos sa iyang kaatbang sa pagka congressman sa first district sa Misamis Oriental aron mag-execute sa bakak nga affidavit nga ang tuyo mao lamang ang pagdaot sa iyang katungdanan.
