Mga Chinese nga nagabaligya it illegal nga Food Supplement ag naga gamit it dummy, na diskubre

13

Kalibo, Aklan – Nadiskubrehan it mga kapulisan rong pag operate it mga Chinese pinaagi sa pagdistribute it mga illegal nga Food Supplement sa banwa it Kalibo ag iba pang banwa.
Sa eksklusibong pagtutok it RMN DYKR Kalibo ag pakikipag-angot kay Police Colonel Richard Mepania, hepe it Kalibo PNP nga nakabaton sanda it report angot sa gina alegar pag distribute it mga Chinese kung Food Supplement nga uwa it permit sa Food and Drug Administration (FDA).
Bangud kara insigida imaw nga nag coordinate sa Fiscal’s Office, DOLE, DTI ag Local PPLOs bukon eamang sa Kalibo kundi pati sa banwa it Numancia nga may tatlo man ka mga opisina ro nasambit nga mga Chinese.
Nagpatigayon sanda it meeting para nga i-check rong operation ko mga Chinese kon baea hay may violation o legal ro andang negosyo.
Nagbilog man dayon it task foce nga ginakomponehan it Bureau of Fire Protection, Engineering Dept. Local Business Licensing Dept. Municipal Health Office para nga inspeksyonon ro nasambit nga opisina.
Tag idto eon sanda sa opisina sa Roxas Avenue nakita it task force nga raya hay naka padlock eon ag nasayuran nga rong pag padlock hay otorisado it Barangay Council kung Kalibo sa pahinugot man ko tag-ana it building nga si Dra. Nilda Tambong bangud sa ana man nga pagkabaeaka nga ro ibang mga gamit ko building hay ginapaguwa.
Ginpahinugtan man ko tag-ana it building nga makasueod rong task force para nga mag inspeksyon kaibahan ro mga barangay officials ag sa pag check nakita ro kinarton it sari-saring food supplement ag sambilog eon kara rong box it Sea Dog Pill sangka sex enhancer for men nga gina distribute it Sea World Food Supplement nga basi man sa pag usisa it Business and Licensing Office hay naka rehistro raya ag valid rong permit pero gumamit raya it dummy name nga ay Ron Ron Airodlg Teodosio nga taga Libtong, Estancia, Kalibo.
Kung sa siin may ana man raya nga reklamo nga sanda ra hay gin abandona man eon ko mga Chinese.
Nasayuran nga mga more or less 6 months eon raya nga nag operate sa banwa it Kalibo.
Ro kleyente ko nasambit nga mga Chinese hay ro anda man nga mga parokyano nga mga Chinese man, apisar may mga distributor sanda nga pinoy pero bawal raya magsueod kung sanda hay naga demonstrate sa sueod.
Gin aksyonan raya nga butang it atong mga otoridad para nga mabaeabagan eagi ro pagdistribute kara bangud man sa concern sa ikaayong eawas.
Naipadaea man eon sa syudad it Iloilo ro sample ko mga Food Supplement para ipa laboratory test ag makaron nga adlaw ginasaligan nga maga abot ro resulta.
Samtang rong Ocean Heart Dream Phils. Inc sa banwa it Numancia hay nasayuran sa pag inspection nga mga alahas mat a ro andang baligya ag exclusie sa mga Chinese kung sa siin legal tanan ro andang operation ag uwa raya it connection sa Sea World Food Supplement..

Facebook Comments