Dapitan City-Usa na ka botante sa dakbayan sa Dapitan ang kanhi mayor sa Dipolog nga si Evelyn ‘Belen’ Uy, gahapong adlawa miadto sa Commission on Election o (COMELEC) Dapitan si Evelyn Uy ug mi file’g application alang sa transfer of registration records tungod sa change of residence.
Gibutyag sa kanhi mayor nga ang pag-transfer niya ug rehistro usa kini ka lakang aron siya maka file sa certificate of candidacy (COC) karong umaabot bulan sa Oktobre kay gusto niya nga mo serbisyo sa mga dapitanon.
Sa pangutana ngadto sa kanhi mayor nga kung hatagan siya sa kahigayunan nga modumala sa Dapitan unsa ang iyang pagatutukan?dritso nga mitubag ang kanhi mayor nga matud pa niini dili siya mu saad apan kung unsa ang kalambuan nga nahimo niya sa Dipolog niadtong mayor pa siya, iyang paningkamutan nga mahimo ug mahatag kini niya sa dakbayan sa Dapitan. Leadership by example kini ang kanunay nga gisunod sa lederato ni belen Uy ug mao sab kini ang iyang buhaton sa dakbayan sa Dapitan .
Makita karon sa dakbayan sa Dipolog ang daku nga pag-uswag o kalambuan kay ang mga nagdumala tinuuray man nga miserbisyo sa katawhan, good leadership ug project oriented.
Kining tanan napamatud-an ni Evelyn Uy gani karong bag-o lang giila ang kanhi mayor nga ‘ One Of the Most Enfluential Filipino Women in The World’ sa Filipino Women’s Network (FWN) ang maong award nga gidawat mismo sa kanhi mayor Evelyn Uy didtu sa London, United Kingdom atol sa napahigayon nga 15th Filipina Leadership Global Summit. Asoy sa kanhi mayor nga aduna sab nakadawat sa susamang pasidungog gikan sa nagkalain laing nasud, ug dinhi sa nasud nga Pilipinas anaa lamang sa lima ngadto sa unom ka mga Filipina ang gihatagan sa maong award.
Garbo dili lamang sa lalawigan sa Zamboanga del Norte apan sa tibuok nasud diin usa sa nakadawat sa maong pasidungog mao si Evelyn Uy.
Nasayran nga usa sa gibasehan nga mapili ug mahatagan sa maong pasidungog mao nga kung unsa ang nahimo nimo sa komunidad nga nakapauswag sa mga katawhan. (JoyEngoc)
