Kapin sa 10 milyones ka pesos ang kinatibuk-ang kantidad sa mga training centers nga gi turn over kagahapong adlawa sa buhatan sa Senador Juan Miguel Zubiri.
Unang gi turn over ang mga training centers sa Impasug-ong, Bukidnon, Cabanglasan, Lantapan ug Maramag.
Nasayran nga tuig 2018 pa nga budget dihang gi alokar ni Senador Migz Zubiri ang maong pundo, kinsa gisugdan niadtong March 20, 2019 ug natapos karong July 17, 2019.
Matud ni Senador Zubiri nga tumong niini nga makunhuran ang poverty rate sa Bukidnon.
Hangyo usab niini nga dili himuong tigwayanan sa mga baka ug ubang mananap ang training center imbes gamiton kini aron nga mabansay ang mga buot mukuha sa training courses sa TESDA.
Samtang gipasalig si Secretary Lapeña nga adunay technical assistance nga ihatag nga balor sa 30 million pesos.
Atol sa maong kalihukan, mitambong ang mga lokal nga opisyal sa upat ka mga lungsod sa Bukidnon, TESDA Director Tarhata Mapandi uban ang iyang provincial Director, Senador Migz Zubiri ug TESDA Sec. Isidro Lapeña.
