KAPIN 3 MILYON NGA KANTIDAD SA SHABU UG EXPIRED NGA MEDISINA, GISUNOG SA PDEA

20

General Santos City–Mas dako ang kantidad sa illegal nga droga ang gisunog sa PDEA-12 milabay’ng tuig nga mi-abot sa kapin 8 milyones ka pesos kung itandi sa gisunog milabay’ng adlaw nga anaa lang sa 3 milyones.

Sumala kang PDEA-12 Director Naravy Doquitan, mas daghan ang illegal nga droga nga nakumpiska Niadtong milabayng duha ka tuig nga gisunog niadtong tuig 2019 nga naunang gidesisyunan sa korte.

Ang mga droga ug expire nga mga medisina nga gisunog sulod sa usa ka crematorium sa usa ka pribadong sementeryo ang gikan sa bulan sa Oktubre tuig 2019 hangtud sa kasamtangan nga aduna nay court order.

Samtang sa kabahin sa PDEA-11, gibutyag ni Director Antonio Rivera nga mas daghan ang ilahang gisunog karon nga tuig kung itandi sa nanglabay nga katuigan.

Apan gibutyag niya nga dili nila makumpara ang mga illegal nga droga gumikan kini ang magdepende sa ginapagawas nga court order.

Kini gumikan adunay mga kaso nga pipila ka tuig na, apan karon lang nahatagan ug disisyon sa korte.(LVR)

Facebook Comments