Kalibo, Aklan – Ginpamulta it Department of Environment and Natural Resources (DENR) rong kapin sa 209 establisyimento sa Boracay it kabilugang ₱43 million.
Base sa Pollution Adjudication Board it DENR, nagbayolar ro mga raya sa environmental laws sa idaeom kung clean air act ag clean water act.
Ginhambae ni DENR Secretary Roy Cimatu – kada establisyimento hay may multa eon halin P 10,000 hasta milyon depende sa bug-at it pagbayolar. Dugang pa ni DENR Undersecretary Rodolfo Garcia – ginpadaea eon ro mga penalty notices sa mga tag-ana it establisyimento.
Paandam ni Garcia, nga ro mga establisyimento nga nakabayad it multa eamang ro pagapahinugutang makaproseso it andang permit to operate.
Sa makaron, sigidas rong rehabilitasyon it Boracay maskin nga ginbuksan eon raya sa publiko.
