Kapulisan sa probinsya nisalmot sa tulo ka adlaw nga Local Absentee Voting

21
Pagadian City – Gikumpirma sa Zamboanga del Sur Police Provincial Office (ZSPPO) nga nagsugod na pagbotar ang kapulisan sa probinsya nga mga local absentee voters sa maabot nga May 9, 2022 elections.
Sa impormasyon nga gitunol ni Police Major Jerome Pamalaran ang tigpamaba sa ZSPPO, gisugdan ang akbidad kagahapon sa buntag dihang dapita sa Camp Maj. Reginaldo C. Abelon nga nahimutang sa Brgy. Lumbia niining syudad sa Pagadian.
Sa local absentee voting gihatagan og higayon ang kapulisan nga dili makaboto sa Mayo 9, 2022 nga eleksyon nga makabotar na karong panahona.
Lakip sa mobotar sa Absentee Voting ang ubang kawani sa gobyerno sama sa AFP, magtutudlo ug media nga madestino sa laing lugar sa adlaw sa eleksyon.
Ang Absentee Voting nagsugod karon Abril 27 hangtud 29 kun asa niining higayona ang mga nipahimulos sa absentee voter makapili sa presidente, bise-presidente, senador ug usa ka partylist.
Facebook Comments