Government employee sa Mati City arestado sa buy bust

51
Davao City- Mag-atubang og kasong paglapas sa Section 5 (Sale of Dangerous Drugs), Section 11 (Possession of Dangerous Drugs) ug Section 12 (Possession of Drug Paraphernalia) sa Article II sa Republic Act 9165 kun Comprehensive Dangerous Drugs Act of 2002 ang usa ka empleyado sa gobyerno sa Mati City, Davao Oriental.

Giila ni Aileen Lovitos, Philippine Drug Enforcement Agency Regional Office XI Regional Director ang suspek nga si Krist Mark Maglines, 37 anyos, residente sa Barangay Central, Mati City, Davao Oriental.

Sa hinusang pwersa sa PDEA Davao Oriental Provincial Office, Provincial Intelligence Unit sa Davao Oriental Police Provincial Officeug Mati City Police Station, malampusong nadakpan ang suspek atol sa gilusad nga buy-bust operation sa may Purok Don Jose, Barangay Dahican, Mati City, Davao Oriental.

Sa report sa PDEA XI positibong napalitan ang suspek sa PDEA agent nga nagsilbing poseur buyer og nagkantidad sa P 1,000 nga shabu.

Atol usab sa operasyon nasakmit sa mga operatiba ang 3 gramos sa shabu kun anaa sa P45,000 ang street, suspected shabu residue, drug paraphernalia, buy-bust marked money ug motorsiklong giingong gigamit niini sa iyahang mga illegal drug transactions.

Samtang segun sa PDEA XI nga kung mapamatud-ang guilty si Maglines sa maong krimen, iimposar batok kaniya ang maximum penalty subay sa diskwalipikasyon niini sa bisan asa nga public office subay sa Article II, Section 28 (Criminal Liability of Government Officials and Employees) sa Republic Act 9165.



RadyoMaN Aimee Guinita

Facebook Comments