Temporaryo karong gisirad-an ang karaang tulay sa Tagoloan, Misamis Oriental tungod sa nakitang liki niini.
Gipahayag ni Vina Maghinay ang Spokesperson sa Department of Public Works and Highways kon DPWH Region 10 nga bisan og ilang gi-closed ang daang dalan apan maagian gihapon ang parallel bridge niini.
Dugang pa ni Mahinay nga tungod sa liki nga milusot ilawom sa tulay, nangandam na karon ang DPWH Misamis Oriental second District Engineering Office alang sa pag-repair niini pinaagi sa pagtangtang sa area nga apektado ug pagsemento niini pagbalik.
Giangkon usab niini nga niadto pang 1950’s gihimo ang maong tulay, busa lauman na ang mga minor nga depekto.
Gibutyag usab sa maong opisyal nga base sa Engineer nga nagsusi sa tulay, nga minor lamang ang problema busa mahimo pa kining ma-repair.
Sa karon ila pang gihulat ang District Office kung kanus-a kini maablihan pagbalik.
