Karne sa baboy nga gikan sa Jose Abad Santos Davao Occidental gisunog sa Glan, Sarangani Province

19

Glan, Sarangani Province–Mukabat ngadto sa 17 ka kilo sa karneng baboy ang gisunog sa mga personahe gikan sa municipal veterinary office uban ang mga barangay opisyal sa Barangay Pangayan, Glan, Sarangani Province Sarangani Province human nga nakasulod kini sa maong barangay gikan sa Barangay Balangunan Jose Abad Santos.

Sumala pa ni Dr. Vernie Rino Asperga labaw sa Municipal Veterinary Office sa Glan nga nireport matud pa sa ilahang opisina ang barangay kapitan sa barangay pangyan nga aduna matud pay karne sa baboy sa ilahang barangay nga ginabaligya sa merkado nga naggikan sa munisipyo sa Jose Abad Santos Davao Occidental hinungdan nga gilayong giadtuan sa mga nahisgutan.


Pag-abot sa lugar anaa nalang sa 17 ka kilo sa karneng baboy ang ilahang nakompiska tungod kay nahalin na mang ubang karne.
Gilayon matud pang gisunog ang mga karne samtang gipasa na usab ni Dr. Asperga ang sample sa mga karneng baboy sa Koronadal aron masuta kung positibo kini sa ASF.

Dugang pa ni Dr. Asperga nga ang mga katawhan matud pa sa Barangay Balangunan ang nagpanic na matud pa tungod sa balita nga ilahang na dunggan sa Don Marcilino nga gipangpatay ang tanang baboy tungod sa ASF hinungdan nga ilaha usab nga gikatay ang ilahang mga baboy aron nga mapuslan pa nila samtang wala pa kaabot sa ilahang lugar ang ASF.

Sa kasamtangan mas gipahugtan pa sa Glan Sarangani Province ang ilahang pagmonitor sa mga check points aron nga dili na malutsan ug baboy o karne sa nga gikan sa lugar nga apektado ug ASF.(Dave Silagan)

Facebook Comments