Karpentero arestado sa buy-bust operation sa Boracay

KALIBO, AKLAN — Arestado sa ginpatigayon nga buy-bust operation rong sangka karpentero kaina it agahon sa Sitio Lapuz-Lapuz, Balabag, Boracay.
Nakilaea rong subject kay Roberto Castillo ag native it Bugasong, Antique.
Naaresto si Castillo matapos nga mabakean it sangka plastic sachet it ginapatihan shabu ko poseur buyer kabaylo it buy-bust money.
Sa ginpatigayon nga body search nabuoe pa gid sa anang possession ro 4 pa ka mga sachet it ginapatihan shabu.
Detained sa lock up cell it Boracay Tourist Assistance Center (BTAC) si Castillo ag maga pangatubang it kasong pagbayolar sa RA 9165 ukon Dangerous Drugs Act of 2002.