Kalibo, Aklan — Syento porsyento eon nga haum rong Kalibo Sto. Niño Ati-atihan Foundation Inc. (KASAFI) para sa Opening Salvo it Kalibo Ati-atihan Festival hin-aga.
Raya ro naging pahayag ni Mr. Albert Meñez, Kasafi Chairman sa pakikipag-angot kana it RMN DYKR Kalibo sa programang Straight-to-the-Point.
Suno kay Meñez nga maga umpisa rong sadsad hin-aga alas 3:00 it hapon halin sa daywa ka mga starting point, ro sambilog nga grupo magahalin sa may Magsaysay Park ag ro sambilog hay magahalin sa may XIX Martyr Street ag dungan nga maga paadto sa Kalibo Pastrana Park para sa sangka programa.
Ro nasambit nga sadsad hay pagapartisiparan it may kapin 63 ka mga grupo nga kinakaeakipan it Modern, Balik Ati ag Tribal groups.
Dugang pa ni Meñez nga magiging bisita hin-aga sa opening salvo ro sambilog sa mga sexy actress nga si Katrina Halili.
Iga presentar man hin-aga ro 16 ka mga kandidata it Mutya ng Kalibo 2019.
Sa nasambit nga programa hi-aga masaksihan man rong pagsindi it torch ni Mayor William Lachica patimaan nga opisyal eong maga umpisa rong Ati-atihan.
May fireworks display man ag confetti.
Matapos ro nasambit nga programa hay pagapahinugutan man rayon ro mga grupo nga magsadsad sa palibot it Pastrana Park hasta eamang it alas 10:00 rong gabii.
Samtang, sa Magsaysay Park hay may kasadyahan man dayon ukon “HYSTERIA” kung siin paga intertinahon it mga DJs ag banda ro mga bisita.
Ro Kalibo Sto, Niño Ati-atihan Festiva hay ginakabig nga “The Mother of All Philippine Festival”.
