MOISES PADILLA – Nagpatigayon sang mass wedding si Mayor Magdaleno Peña sa banwa sang Moises Padilla kahapon bilang kabahin sang tuigan nga selebrasyon sang Magayon Hinuptanan Festival.
44 ka mga mag live in partners ang ginkasal kag halos tanan sini sa ila ang lunsay na may mga kabataan na.
Ginpanugyan ni Peña sa mga bag-ong kasal nga nagakadapat tipigan nila ang ila nga mga kabataan labaw pa sa ila mga kaugalingon.
Isa ka ihimplo ni Pena sa mga mag-asawa amo ang iya natun an sadtong nagaeskwela pa lamang sya sa highschool kun sa diin may amigo sya nga isa ka Brother sa buluthuan nga iya ginaeskwelan nga nagsiling nga ang mga kalalakin-an amo ang may dako nga obligasyon sa ila nga mga kabataan kag dapat indi ini magpabaya sa ila nga mga obligasyones sa ila nga panimalay.
Sa pihak nga bahin nagpasalamat naman ang mga ginpangkasal bangud sa madugay nga panahon nga sila nagpuyo gintinghuwaan mismo ni Peña paagi sa mga empleyado nga sila matipon agud nga mangin legal ang ila pag-upod bilang mag-asawa./Grace Supe
