Kalibo, Aklan – Nagtaas makaron it 74% rong kaso it dengue sa Aklan kumpara ko nagtaliwan nga dag-on.
Base sa record it Aklan Provincial Epidemiology and Surveillance Unit (APESRU) hay nag abot sa 1, 623 rong kaso umpisa Enero 1 hasta Nobyembre 11, 2018.
Raya nga record hay halin man sa mga Rural Health Units (RHUs) ag hospitals sa probinsya.
Nagapanguna gihapon rong banwa it Kalibo nga 437 ka kaso, Batan 115, Numancia 109, Banga 104, ag Altavas nga 103.
Bangud kara nagpadumdom rong Provincial Health Office (PHO) nga i-practice rong “4S” strategies, (1) Search and Destroy the breeding sites of mosquitos, (2) Self-protective measures like insect repellants, mosquito nets etc. (3) Seek early medical treatment for signs and symptoms like fever, rash and joint pains (4) Say Yes to fogging to prevent dengue outbreaks.
