Kalibo, Aklan — Nagtaas makaron rong kaso it mga nahaangkit it ayam sa probinsya it Aklan.
Suno kay Dr. Cornelio Cuachon Jr., Provincial Health Officer II nga basi sa andang data ko nagtaliwan nga dag-on naka record sanda it 5, 838 nga mga nahaangkit it sapat samtang umpisa Enero hasta March makaron nga dag-on hay may una nga 1, 464 ag ko Abril hasta Hunyo hay may una nga 1, 629 ro naka record.
Sa raya nga numero, 2,397 kara rong nahaangkit it ayam ag 650 ro sa kuring.
Nagpadumdom man si Cuachon sa mga Aklanon nga kon kita hi-angkit it ayam ag kuring hay kinahang-ean gid nga magpa injection it anti-rabies para malikawan rong kamatayon bangud sa rabies.
Ro sintomas suno kay Cuachon sa mga tawong natapnan it rabies hay nahadlok sa tubi, hangin, sa masilaw ag may pag ginawi nga matsa bang-aw man.
Sa maabot nga Setyembre 28 hay may pagahiwaton nga World Rabies Day.
Handom man it Department of Health nga maging rabies-free ro nasyong Pilipinas sa 2020.
