Napasakaan na sang kaso nga statutory rape ang 45-anyos nga suspek nagligad nga adlaw matapos ini gindakop. Sa interview sang DYHB sa hepe sang EB Magalona Municipal Police Station nga si Police Captain Joseth Catonina, kaagahon sang Marso 3 natabo ang krimen sa diin gindala sang suspek ang biktima sa iya nga kamalig kag gindidto ginhimo ang kabastusan sa diin iya ginsulod ang iya tudlo sa kinatawo sang bata.
Suno sa hepe, kaagahon pa lang nagapalawod na ang ginikanan sang bata kag nakaandan naman sang biktima nga aga pa man maguwa sa ila balay kag magkadto sa baybayon.
Diri ginbantayan sang suspek ang bata kag ginhagad nga mag-upod sa iya kamalig apang indi mag-upod ang bata gani iya ini pilit kag ginkarga. Pag-abot sa kamalig, didto sini gin-molestyahan ang bata.Ginsaysay sang bata sa kapulisan nga ginpahog siya sang suspek nga patyon kon ini ang manugid. Nakatyempo naman ang bata nga magpalagyo sang nakita sini nga nagkuha sang kutsilyo ang suspek.
Mga las-12:00 na sang udto sang pareho nga adlaw nanugid ang bata sa iya iloy kag gilayon man nga nag-report sa pulis nga amo naman ang nagdakop sa suspek. May yara sang live-in partner ang suspek apang suno sa ila mga kaingod, mga tatlo na ka bulan nga nagpa-Manila ang iya partner. Todo naman ang pagpanginwala sang suspek sa krimen.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
