BACOLOD CITY – Agud nga madula ang ginasiling “fear of crime” rason kon ngaa ginpabilin ang mga police nga nag augment sadto sa Masskara Festival sa Bacolod.
Ini ang gintumod nga rason ni PNP Regional Office 6 Spokesperson P/Supt. Gilbert Gorrero kadungan sa launching sang PNP Interfaith kahapon sa Camp Alfredo Montelibano Sr.
Suno kay Gorrero nga ang presensya sang police ang magadula sa pagkabalaka kag kakulba sang publiko bangud man sang halos sunod-sunod nga kaso sang hold-up kag kinawatay particular sang nagligad nga Oktubre.
Ginpahayag pa dugang ni Gorrero nga ila natalupangdan nga bangud sang police visibility, nag nubo ang kaso sang kinawatay sa ciudad sang Bacolod.
Sa pihak nga bahin, sa ginpatigayon nga PNP Interfaith Western Visayas kahapon, ginhingyo ni PRO-6 Regional Director C/Supt. Cesar Binag ang interfaith community nga magbulig sa kampanya sang pulis batuk sa illegal drugs./dyHB BACOLOD
